Hong Kong || The Happiest Place on Earth








Nagpunta kami ng aking pamilya at mga kamag-anak sa Hong Kong noong Hunyo 25-28, 2018 upang magbakasyon. Espesyal sa akin ang Hong Kong sapagkat bata palang ay pangarap ko nang makapunta sa Hong Kong Disneyland. Kung nais mong maglakbay sa bansang ito, ituloy mo sapagkat hindi ka magsisisi sa dami nang magagandang tanawin. Tulad nga nang sinabi ni Walt Disney, “If you can dream it, do it.”




Ang Hong Kong Disneyland ang pinaka paborito kong “tourist attraction” sa Hong Kong. Mayroong pitong atraksyon rito katulad ng Fantasyland, Adventureland, Toy Story Land, Tomorrowland, Main Street, Mystic Point at Grizzly Gulch. Ang pinaka nagustuhan ko ay ang Star Wars sa Tomorrowland. Kung aakalain mo ay simpleng roller coaster lang ito, ngunit para kang aatakihin sa puso sa sobrang takot. Ang Flights of Fantasy Parade ang pinaka-kinaabangan ng lahat sapagkat makikita at makakasalamuha mo rito ang iba’t ibang Disney characters, mga Disney princesses na masayang nag-aawitan at acrobats.






Napakalaki ng Ocean Park Hong Kong, mahihirapan kang libutin ito kung hindi ka sasakay sa kanilang cable car, tren o kaya naman ay outdoor elevator. Makikita rito ang Giant Panda at penguins. Mayroon ring maraming mga thrilling rides at entertainment show na mapupuntahan. Ang pinaka masaya para sa akin ay ang “The Flash” kung saan matatanaw mo na ang dagat habang umiikot ito. Sobrang akong nasiyahan sa ride na ito kahit na sobra rin akong napasigaw sa takot.Sa Grand Aquarium naman ay masasaksihan ang mga hayop sa dagat o “sea creatures”. Ito ay isang napakahusay na atraksyon dahil makikita ang pagkakaiba-iba at ang makulay na mundo sa ilalim ng dagat.








Ang sunod naming pinuntahan ay ang Victoria Peak. Ito ang lugar kung saan nakatira ang mga kilalang aktor, pulitiko, CEO ng bangko at mga negosyante. Ngunit ang pangunahing dahilan kung bakit ito dinadayo ng mga turista ay dahil sa magandang tanawin kung saan matatanaw ang skyline ng lungsod at Victoria Harbour. Maaari rin gamitin ang mga telescope na nilulusutan ng barya upang makita ang cityscape. Upang makapunta rito ay kailangan sumakay sa Peak Tram dahil nakatayo ito sa taas ng bundok, pati na rin ang mall.








Ang Ngong Ping Village ang pinakahuling lugar na pinuntahan namin. Ito ay isang atraksyon na ang tema ay tungkol sa kanilang kultura roon. Dito, maaari kang makahanap ng maraming mga kagiliw-giliw na mga atraksyon tulad ng Walking with Buddha, Stage 360 at mga restawran.

Sumakay kami sa Ngong Ping 360 cable car na nagkokonekta sa Tung Chung upang makarating sa Ngong Ping Village, Po Lin Monastery at Big Buddha.




Kaya ano pang iniintay nyo? Halika na at magbakasyon na sa Hong Kong! Siguradong hindi masasayang ang pagpunta niyo rito sapagkat lubos na masisiyahan at magagalak sa pagbisita ang bawat isa, saan mang sulok ng bansa.

Comments

Post a Comment

Popular posts from this blog

Simala Shrine: Ang Milagrosong Simbahan

Image
    Ang Simala Church ay sikat sa nakararami dahil sa estraktura nitong tila isang kastilo at dahil na rin sa mga milagrong nangyayari rito. Ito ay nasa Lindongon, Simala, Sibonga, Cebu . Ito ay dinarayo ng mga rehilyosong turista. Marami ang pumupunta rito upang humingi ng tawad, magpasalamat o humiling sa Birheng Maria.     Ito ay isa sa mga lugar na nais ng aming pamilya na puntahan. Kung kaya't kami ay nagpunta rito sa araw ng aming kaarawan noong November 13, 2018. Walang dapat bayaran bago makapasok dito ngunit ipinagbabawal nila ang pagsusuot ng damit na walang manggas at maiikling pang-ibaba. Sa labas pa lamang ay kita mo na ang magandang estraktura ng simbahan. Ito ay mapagkakamalan mo na isang kastilo. Hindi ko mapigilan ang akong sarili na kumuha ng mga litrato ng simbahan dahil ako ay namangha sa kagandahan nito.     Kailangan pa munang maglakad ng sandali bago makapunta sa mismong simbahan. Habang kami ay naglalakad, ang aming kasama na taga-Cebu ay kin
Read more

Divine Mercy sa Lungsod ng Taga-pagligtas

Image
Ang Divine Mercy Shrine ay matatagpuan sa El Salvador, Misamis Oriental. Ang El Salvador ay kilala bilang " The City of Mercy " o " The City of Savior " sapagkat dahil na rin sa mga deboto ng mahal na berhen. Ito ay halos nasa tatlumpung minutos lamang ang layo sa Cagayan De Oro na sentro ng lalawigan ng Misamis Oriental. Statue of the Divine Mercy   Ang Divine Mercy Shrine ay bunga ng pangitain ng isang grupo na kung saan inuutusan sila ng Panginoon na gumawa ng isang representasyon Niya na kung saan nakatingin ito sa dagat at nasa 50 ft ang taas. Ang rebulto ay sinasabing ang pinakamataas na rebulto ng Divine Mercy, hindi lamang sa pilipinas kung hindi sa buong mundo. At sa tulong ng mga donasyon ay nabuo at natapos ang pag papagawa ng lugar. N ito nga lamang 2008 ay binuksan ito sa lahat upang maging sanctuaryo ng mga deboto ng Panginoon. Noong taong 2016 buwan ng Abril ay n
Read more

Mother of All Asia: Monte Maria

Image
Monte Maria 🌞 Ang Pilipinas ay likas na mayaman sa magagandang tanawin at magagandang lugar. Hindi lang rito makikita ang mga magagandang isla at mga estraktura, makikita rin dito ang mga magagandang simbahan katulad ng aming napuntahan dito sa Lubo, Batangas. Ito ang aking hindi makakalimutang karanasan sa aking buhay dahil naging masaya kami dito at nakapagsakripisyo kami sa Panginoon. Ito ay ang Monte Maria Shrine, ito ay kilalang kilala dahil sa statue ni Virgin Mary na tinatawag na Mother of All Asia dahil ito ay mas malaki pa sa Statue of Liberty at The Great Buddha. Bagamat kahit malayo ang aming binyahe mula Calamba hanggang Batangas ay napakasulit naman itong puntahan. Habang kami ay nasa byahe kami ay nag foodtrip ng aming pamilya, at habang kami ay papunta nakikita namin ang iba't ibang tanawin sa batangas. Nakita namin rito ang mga kabukiran at mga estraktura na nakataguyod dito. Hindi lamang kami dito nagpunta para lamang makaranas ng magagan
Read more